За паўгода ў Мінску зачынілася ўтрая больш замежных кампаній, чым адкрылася
Сярод зачыненых кампаній больш за ўсё расійскіх, бо частка з іх — гэта даччыныя структуры заходніх канцэрнаў / pixabay
За першыя шэсць месяцаў гэтага года ў Мінску зачынілася 34 прадстаўніцтвы замежных кампаній і арганізацый, а адкрылася толькі 11, піша Office Life.
Сярод зачыненых кампаній больш за ўсё расійскіх. Прычына простая: частка з іх — гэта даччыныя структуры заходніх канцэрнаў, якія ці спыняюць, ці ўжо спынілі працу у рэгіёне.
Зачынілі офісы пяць латвійскіх кампаній, тры швейцарскія, тры шведскія і тры нямецкія.
З 11 кампаній, якія адкрыліся ў Беларусі за гэтыя паўгода, большасць — расійскія. Ёсць таксама кампаніі з Кыргызстана і ААЭ. Есці і тры кампаніі з Заходняй Еўропы. Дзве з іх (швейцарская HAB Invest і літоўская Basmedа) займаюцца даставамі медычнага абсталявання і медыкаментаў.
Сітуацыя за МКАДам падобная. У першым паўгоддзі там зачынілася больш за замежных кампаній, чым адкрылася. Адзінае выключэнне — Мінская вобласць. У юрысдыкцыі вобласці з'явіліся тры новыя кампаніі, а зачынілі офісы — дзве.
