За "фак" на фоне навагодняга выступу Лукашэнкі кобрынцу далі 1,5 года "хіміі"
![За "фак" на фоне навагодняга выступу Лукашэнкі кобрынцу далі 1,5 года "хіміі"](/sites/default/files/styles/gallery_main/public/2023-08/fuck-2804.jpg.webp?itok=Asw5FKC1)
Жыхара Кобрына Дзяніса Кісялёва асудзілі на 1,5 года "хіміі" па ч. 1 арт. 368 Крымінальнага кодэкса (абраза Лукашэнкі). Як паведамляюь праваабаронцы, працэс у судзе Кобрынскага раёна адбыўся яшчэ 25 лютага, але вядома пра яго стала толькі цяпер.
Падчас сустрэчы Новага, 2022-га года Кісялёў глядзеў па тэлевізары выступ Лукашэнкі. Ён зрабіў фота ўзнятага сярэдняга пальца на фоне тэлевізара.
Пазней ён выклаў гэты здымак у тэлеграм-чат "Кобрын для жыцця Чат". Яшчэ з лістапада 2020 года гэты чат з'яўляецца закрытым: трапіць туды можна толькі па запрашэнні. Аднак гэта не дапамагло.
Каб сачыць за галоўнымі навінамі, падпішыцеся на канал Еўрарадыё ў Telegram.
Мы штодня публікуем відэа пра жыццё ў Беларусі на Youtube-канале. Падпісацца можна тут.