За "экстрэмізм" судзілі нават дэлегата лукашэнкаўскага народнага сходу
Вадзім Іваноў / sb.by
Рэпрэсіі ў Беларусі ўсё часцей закранаюць тых, хто падтрымлівае рэжым Аляксандра Лукашэнкі і ўдзельнічае ў яго мерапрыемствах. Нядаўна затрымалі і судзілі нават дэлегата лукашэнкаўскага Усебеларускага народнага сходу Вадзіма Іванова з Талачына, дырэктара сельгаспрадпрыемства "Рыдамльскі". Якое пакаранне ён атрымаў, пакуль невядома. Судзілі ж Іванова за "распаўсюд інфармацыйнай прадукцыі, уключанай у рэспубліканскі спіс экстрэмісцкіх матэрыялаў".
На працы Вадзіма Іванова няма. У сацсетках ён быў апошні раз 20 кастрычніка. Няўжо дырэктара адправілі за краты адбываць адміністрацыйны арышт?
Дэлегатам Усебеларускага народнага сходу Іваноў быў у 2021 годзе.
