За аварыю пад Смалявічамі суд пастанавіў выплаціць 2,5 млн рублёў кампенсацыі

Суд Смалявіцкага раёна пастанавіў, што сем'і людзей, загінулых у аварыі з маршруткай, павінны атрымаць агульную кампенсацыю ў памеры 2 мільёнаў 530 тымясч рублёў. Выплаціць гэтую суму павінныя ААТ "Мінаблаўтатранс" і ЧТСУП "Сінкевіч", паведамляе прэс-служба суда.

Сем'і загінулых падалі 60 пазоваў. Іх сумы вар'іраваліся ад 20 тысяч да 100 тысяч рублёў.

Прадстаўнікі адказчыкаў на судзе пазовы прызналі часткова і не пагадзіліся з заяўленымі памерамі кампенсацый.

Аварыя пад Смалявічамі адбылася 20 лютага. У маршрутку, поўную пасажыраў, урэзаўся гружаны пяском МАЗ. У аварыі загінулі кіроўца і 12 пасажыраў маршруткі.

Кіроўцу самазвала прысудзілі сем гадоў калоніі.