З-за траўмы сезон для бразільца Неймара можа быць закончаны
Неймар / psg.fr
З-за траўмы галёнкаступнёвага сустава правай нагі сезон для бразільца Неймара можа быць закончаны. Футбаліста ПСЖ чакае аперацыя ў бліжэйшыя дні ў Досе і аднаўленне на працягу трох-чатырох месяцаў, паведамляе клубная прэс-служба.
31-гадовы форвард атрымаў расцяжэнне звязкаў 19 лютага ў матчы 24-га тура чэмпіянату Францыі паміж ПСЖ і "Лілем". Медыцынскі персанал клуба параіў Неймару аперацыю.
У гэтым сезоне Неймар згуляў 29 матчаў на розных турнірах, забіў 18 галоў і зрабіў 17 галявых перадач.
AFP
