Вы тут

З пачатку года парушыць беларуска-польскую мяжу спрабавалі каля 600 чалавек

На польска-беларускай мяжы / twitter.com/Straz_Graniczna​

Каля 600 чалавек спрабавалі парушыць беларуска-польскую мяжу з пачатку года. Пра гэта паведамляе памежная служба Польшчы. Усяго такіх спроб было зарэгістравана 596.

Толькі ў панядзелак польскія памежнікі спынілі 50 парушальнікаў.

З пачатку года затрыманыя 23 нелегальныя мігранты, у тым ліку 10 грамадзян Сірыі, сямёра іракцаў, двое кубінцаў, двое палестынцаў, а таксама па адным грамадзяніне Туркменістана і Беларусі.

Міграцыйны крызіс на мяжы Беларусі з краінамі ЕС узнік на фоне заяваў Аляксандра Лукашэнкі аб тым, што праз санкцыі ў краіны няма ні сіл, ні сродкаў стрымліваць патокі нелегальных мігрантаў. Польшча, Літва і Латвія вымушаныя былі абвясціць у памежных раёнах надзвычайнае становішча. У Польшчу з Беларусі ў 2021 годзе спрабавала трапіць больш за 39 тысяч чалавек.

Каб сачыць за галоўнымі навінамі, падпішыцеся на канал Еўрарадыё ў Telegram.

Мы штодня публікуем відэа пра жыццё ў Беларусі на Youtube-канале. Падпісацца можна тут.