З 15-гадовага брата адміністратара тг-канала ў мінскім СІЗА выбіваюць паказанні

15-гадовага брата адміністратара тг-канала "Супольнасць чыгуначнікаў Беларусі" з чацвярга ўтрымліваюць у мінскім СІЗА № 1 (раней быў ізалятар часовага ўтрымання, пасля — спецдыспансер Следчага камітэта). У дачыненні яго распачалі крымінальную справу, яму пагражае да 10 гадоў зняволення. З юнака выбіваюць паказанні, піша @belzhd_live.

Пра затрыманне брата адміністратара тг-канала стала вядома ў студзені. КДБ патрабаваў спыніць вядзенне канала і выдаліць яго. З-за гэтага шантажу і ўтрымання за кратамі закладніка тг-канал нейкі час не абнаўляўся. Цяпер жа ён піша, што хлопец застаецца за кратамі, а ціск на яго працягваецца.

Адміністратар тг-канала заклікае да шырокай агалоскі таго, што адбываецца. Мяркуецца, што "міжнародны ціск можа змяніць сітуацыю".