Выбух у падвале шматпавярховага дома ў Віцебску (фота)
Здарэнне адбылося каля 14-й гадзіны 29 студзеня.
У падвале пяціпавярховага дома па вуліцы Лакаматыўная выбухнуў газавы прапанавы балон. Адбылося гэта падчас правядзення планавых рамонтных работ. У выніку, пацярпелі два чалавекі — зваршчык і жанчына, якая праходзіла каля дома. У мужчыны апёкі твару і рук. Сярод жыхароў дома пацярпелых няма.
Як паведамляе прэс-служба МНС, у доме пашкоджаныя 22 акна, у тым ліку 9 — у кватэрах.
Абставіны здарэння высвятляюцца.
Фота — mchs.gov.by