Выбары ў ЗША: у Байдэна — больш выбарцаў, у Трампа — ключавых штатаў
![Выбары ў ЗША: у Байдэна — больш выбарцаў, у Трампа — ключавых штатаў](/sites/default/files/styles/gallery_main/public/2023-08/usa-0411.jpg.webp?itok=EN3nQMS6)
У ЗША 3 лістапада прайшлі прэзідэнцкія выбары. Асноўная барацьба разгарнулася паміж рэспубліканцам, дзеючым прэзідэнтам Дональдам Трампам і прадстаўнікоўм дэмакратаў, былым віцэ-прэзідэнтам пры адміністрацыі Абамы Джо Байдэнам.
Па стане на 8:00 паводле мінскага часу ва ўсіх штатах акрамя Аляскі ўчасткі ўжо зачыніліся. Ідзе падлік галасоў.
Паведамляецца, што па стане на 23:50 паводле часу ўсходняга ўзбярэжжа ЗША Байдэн атрымаў 49,7% галасоў (57 151 222), у Трампа — 48,6% (55 904 785). Хаця Трамп набраў пакуль што менш галасоў, назіральнікі адзначаюць, што ён лідзіруе ў ключавых штатах.
Выбары прэзідэнта ў ЗША адбываюцца не наўпрост, а праз калегію выбарцаў. Амаль ва ўсіх штатах кандыдат, які набраў большасць галасоў, атрымлівае ўсе галасы выбарцаў.
Каб сачыць за галоўнымі навінамі, падпішыцеся на канал Еўрарадыё ў Telegram.
Мы штодня публікуем відэа пра жыццё ў Беларусі на Youtube-канале. Падпісацца можна тут.