Выбары мэра Масквы: Сабянін набраў 51,27%, у Навальнага — 27,30%
Маскоўскі гарвыбаркам у ноч на панядзелак агучыў вынікі пасля падліку 99,17% пратаколаў.
У выніку, перамагае выконваючы абавязкі мэра расійскай сталіцы Сяргей Сабянін. Другога тура, на які так спадзяваўся апазіцыянер Аляксей Навальны, не будзе.
Камуніст Іван Мельнікаў атрымаў 10,72%, лідар "Яблыка" Сяргей Мітрохін — 3,52%, дэпутат Дзярждумы ад ЛДПР Міхаіл Дзегцяроў — 2,86%, кіраўнік "Справядлівай Расіі" Мікалай Левічаў — 2,80%.
Сяргей Сабянін заявіў, што яго галоўным канкурэнтам на выбарах былі праблемы Масквы.
Фота — ria.ru
