Выбаркам надрукаваў з памылкай назву краіны ў бюлетэнях
Здарэнне адбылося ў Балівіі. Вярхоўны суд гэтай краіны прызнаў наяўнасць "памылкі друку".
Замест слова "шматнацыянальная" ў бюлетэні было надрукавана "шматмандатная". Паводле суда, гэта ніяк не перашкодзіла выбарчаму працэсу, паколькі "гэта фармальная памылка, а не памылка па-сутнасці".
РІА "Новости" нагадвае, што з 2009 года, калі была прынятая новая канстытуцыя, назва дзяржавы гучыць не як "Рэспубліка Балівія", а як "Шматнацыянальная дзяржава Балівія".
У нядзелю прайшлі не толькі прэзідэнцкія выбары, але былі абраны віцэ-прэзідэнт, 130 членаў Палаты дэпутатаў і 36 сенатараў. Дзейны прэзідэнт Балівіі Эва Маралес (на здымку) ўжо заявіў пра сваю перамогу. Паводле дадзеных exit polls, ён набраў 61% галасоў.
Фота — ria.ru