Вялікі дэсантны карабель "Мінск" увайшоў праз Басфор у Чорнае мора (фота)
Разам з ім там апынуўся яшчэ адзін карабель Балтыйскага флота Расіі.
Украінскія СМІ паведамляюць пра вялікі дэсанты карабель "Калінінград", які належыць да 71-й брыгады дэсантных караблёў. Ён прайшоў Басфор на 20 хвілін раней.
Здымкі былі зробленыя з турэцкіх камераў відэаназірання, размешчаных уздоўж берагавой лініі, інфармуе сайт censor.net.ua.
Нагадаем, у Крыме вельмі напружаная сітуацыя. Прарасійскія сілы праводзяць вулічныя акцыі, вывешваюць расійскія сцягі над будынкамі мясцовых адміністрацый. Уначы 27 лютага ўзброены атрад захапіў крымскі парламент.
