Вулкан Этна ў Італіі выкінуў лаву на кіламетр угару (фотафакт)

Цэнтральны кратэр італьянскага вулкана Этна выкінуў 3 снежня фантан лавы — яго вышыня дасягала аднаго кіламетра. Паток попелу, выкінутага разам з лавай, узняўся на тры кіламетры над вулканам.

Гэта было кароткачасовае, але адно з наймагутнейшых вывяржэнняў за апошнія два дзясяткі гадоў, пішуць замежныя СМІ.

Падчас вывяржэння здарылася атмасферная з’ява, якую называюць “бруднай навальніцай” — у воблаку попелу ўтварылася маланка.

Фота: metro.co.uk