Вы тут

Вулічныя відэакамеры аддадуць пад кантроль "Белтэлекаму"

Вулічнае назіранне аддадуць "Белтэлекаму" / pixabay.com

Аператарам, адказным за сістэму відэаназірання за жыхарамі Беларусі, улады плануюць зрабіць "Белтэлекам". Пра гэта агенцтву БЕЛТА паведаміў намеснік міністра ўнутраных спраў Генадзь Казакевіч.

Дзяржаўнае прадпрыемства заменіць прыватную кампанію "24х7 Паноптес" — "дачку" IT-гіганта Synesis, які распрацоўвае софт для беларускага "Вялікага Брата". 

Улады не задаволеныя тым, як працуе сістэма. На думку МУС, да яе падключана вельмі мала камер (за беларусамі падглядаюць толькі ў Мінску, Мінскай обласці і ў віцебскім амфітэатры). Яшчэ адна прэтэнзія: сістэма недастаткова "разумная".

"Пачынаючы з 2017 года мы адзначаем вельмі нізкі ўзровень, тэмпы развіцця сістэмы, а таксама яе функцыянал. Правёўшы аналіз, мы вызначылі канкрэтныя прычыны такога неналежнага становішча спраў і ў новым праекце ўказа, які вынеслі на разгляд кіраўніка дзяржавы, прапанавалі новую канцэпцыю развіцця сістэмы", — заявіў Казакевіч.

Жаданне замяніць аператара сістэмы відэаназірання можа быць звязанае і з тым, што кампанія Synesis трапіла пад санкцыі Еўрасаюза. Кампанія аспрэчвае гэтае рашэнне ў судзе. У прыватнасці, Synesis збіраецца даказаць, што не атрымлівае выгад, звязаных з падтрымкай рэжыму Аляксандра Лукашэнкі.

Каб сачыць за галоўнымі навінамі, падпішыцеся на канал Еўрарадыё ў Telegram.

Мы штодня публікуем відэа пра жыццё ў Беларусі на Youtube-канале. Падпісацца можна тут.