Візавы цэнтр Іспаніі зноў прыпыніў прыём дакументаў на няпэўны тэрмін

Візавы цэнтр Іспаніі ў Мінску з 24 жніўня часова прыпыніў прыём дакументаў па тэхнічных прычынах. Адпаведная абвестка ад імя адміністрацыі з'явілася ў самім цэнтры.

Цяпер там можна толькі забраць пашпарты. Калі адновіцца прыём дакументаў — невядома.

Па іспанскія візы беларусам цяпер давядзецца ездзіць у Расію.

Раней іспанскі візавы цэнтр у Мінску ужо быў зачынены больш як год, і беларусам даводзілася ездзіць на падачу дакументаў у іспанскае консульства ў Маскве.

Аднавіў працу цэнтр сёлета напрыканцы чэрвеня. Прычым прынятыя дакументы ўсё адно вазілі ў Маскву, што зацягвала іх афармленне.