Вы тут

Вікторыя Азаранка выйшла ў 1/8 фіналу адкрытага чэмпіянату Аўстраліі

Вікторыя Азаранка / Reuters

Беларуска Вікторыя Азаранка (25-ы нумар рэйтынгу WTA) выйшла ў 1/8 фіналу тэніснага турніру Australian Open.

Яна перамагла ўкраінку Эліну Світоліну (17) — 6:0, 6:2. Сустрэча доўжылася 1 гадзіну 7 хвілін. 

Далей Азаранка будзе сустракацца з чэшкай Барбарай Крэйчыкавай (4). 

Australian Open Азаранка выйгравала двойчы запар — у 2012 і 2013 гадах.

Працягвае змагацца ў адзіночным разрадзе і яшчэ адна нашая суайчынніца — Арына Сабаленка. Заўтра другую ракетку планеты ў 1/16 фіналу чакае сустрэча з чэшкай Маркетай Вандроўшавай (41). 

У 1/32 фіналу парнага жаночага разраду беларуска Аляксандра Сасновіч і расіянка Ганна Блінкова прайгралі бельгійска-расійскаму дуэту Элізэ Мертэнс / Вераніка Кудэрметава — 7:6 (7:5), 6:3, 6:3. 

Каб сачыць за галоўнымі навінамі, падпішыцеся на канал Еўрарадыё ў Telegram.

Мы штодня публікуем відэа пра жыццё ў Беларусі на Youtube-канале. Падпісацца можна тут.