Вікторыя Азаранка ў сусветным рэйтынгу тэнісістак паднялася на 14 месца

Беларуска Вікторыя Азаранка ў сусветным рэйтынгу тэнісістак паднялася на адно месца і займае цяпер 14-ы радок. Абноўлены рэйтынг WTA быў апублікаваны сёння.
Тройка лідэраў не змянілася. Лепшай па-ранейшаму застаецца амерыканка Серэна Ўільямс, на другім месцы — расіянка Дынара Сафіна, на трэцім — сербка Алена Янкавіч.

Беларуска Вольга Гаварцова засталася на 49-м месцы, а Настасся Якімава перамясцілася са 103 радка на 97-ы.