Віцяблянка падгаварыла 9-гадовую дачку абакрасці цётку
![Віцяблянка падгаварыла 9-гадовую дачку абакрасці цётку](/sites/default/files/styles/gallery_main/public/2023-08/hroszy-2709.jpg.webp?itok=zNOH-R-G)
У Віцебскі РАУС звярнулася аграном-аграхімік аднаго з прадпрыемстваў. Жанчына паведаміла, што з яе дома скралі 360 долараў, перадае прэс-служба УУС Віцебскага аблвыканкама.
Праваахоўнікі выявілі. што да крадзяжу маюць дачыненне сваякі пацярпелай. У дзень знікнення грошай у госці да жанчыны заходзіла яе старэйшая сястра з 9-гадовай дачкой. Госця пабачыла, дзе ў сястры ляжаць грошы і папрасіла дачку выцягнуць купюры. Пасля гэтага маці з дзяўчынкай сышлі.
На падазроную пачалі крымінальную справу за крадзеж і ўцягванне непаўналетняга ў злачынства.
Каб сачыць за галоўнымі навінамі, падпішыцеся на канал Еўрарадыё ў Telegram.
Мы штодня публікуем відэа пра жыццё ў Беларусі на Youtube-канале. Падпісацца можна тут.