Віцябляніна падазраюць у распальванні нацыянальнай варожасці ў сацсетках
33-гадовага віцябляніна падазраюць у распальванні расавай і нацыянальнай варожасці. Нагодай сталі ягоныя запісы ў сацсетках, паведамляе Следчы камітэт у сваім тэлеграм-канале.
Як удакладняюць следчыя, мужчына размяшчаў на сваёй старонцы ў сацсетцы ў публічным доступе відэазапісы і малюнкі, накіраваныя на ўзбуджэнне расавай і нацыянальнай варожасці. На мужчыну пачалі крымінальную справу.
Дарэчы, падставай для крымінальнай справы можа стаць не толькі рэпост, але лайкі на запісах з відэа, фота і тэкстам, калі дзякуючы гэтаму адбываецца распаўсюд матэрыялаў.
