Віцяблян масава выклікаюць у пракуратуру і пытаюцца пра сувязі з Ціханоўскай
![Пракуратура шукае сувязі віцяблян з Офісам Ціханоўскай / yandex.net](/sites/default/files/styles/gallery_main/public/2023-08/viciebsk-1104.jpg.webp?itok=7zND-XUq)
Пракуратура шукае сувязі віцяблян з Офісам Ціханоўскай / yandex.net
У Віцебску масава выклікаюць у пракуратуру людзей, якія раней трапілі пад адміністрацыйны пераслед па палітычных артыкулах. Як паведамляе праваабарончая група MAYDAY, выклікаюць віцяблян для "прафілактычных гутарак".
Падчас размовы ў іх пытаюцца, ці мелі яны дачыненне да перадвыбарчага штаба Святланы Ціханоўскай у 2020 годзе ці да Каардынацыйнай Рады. Таксама пракурорскія работнікі цікавяцца ў віцяблян, ці кантактавалі яны з Офісам Святланы Ціханоўскай. Потым іх прымушаюць падпісацца, што з імі была праведзеная гутарка.
Колькасць людзей, якіх выклікаюць на такія гутаркі, праваабаронцы ацэньваюць як вельмі вялікую.
Раней Еўрарадыё паведамляла, што да тых, каго затрымлівалі па "палітычных" артыкулах Адміністрацыйнага кодэкса, з праверкамі ходзіць міліцыя.
Каб сачыць за галоўнымі навінамі, падпішыцеся на канал Еўрарадыё ў Telegram.
Мы штодня публікуем відэа пра жыццё ў Беларусі на Youtube-канале. Падпісацца можна тут.