Вы тут

"Веснік Нафтана": тэхналагічны працэс цалкам пад кантролем

Слупы агню і дыму на "Паліміры" 23 чэрвеня

Увечары ў сераду з-за пажару на Лукомльскай ДРЭС адбыўся збой падачы электраэнергіі на "Нафтан" і "Палімір", паведамляе 24 чэрвеня "Веснік Нафтана". Над апошнім прадпрыемствам бачылі слупы агню і дыму, але гэта быў не пажар — звычайны тэхналагічны працэс, які актывуецца ў пэўных сітуацыях.

Выданне называе здарэнне "няштатнай сітуацыяй" — спрацавала супрацьаварыйная абарона. І сцвярджае, што "тэхналагічны працэс на "Нафтане" і "Паліміры" — цалкам пад кантролем".

Цяпер паэтапна аднаўляецца нармальны рэжым працы шэрагу ўстановак комплексу "Гідракрэкінг" і цэхаў вытворчасці "Поліэтылен".

Каб сачыць за галоўнымі навінамі, падпішыцеся на канал Еўрарадыё ў Telegram.

Мы штодня публікуем відэа пра жыццё ў Беларусі на Youtube-канале. Падпісацца можна тут.