Ва ўкраінскім Нікалаеве адбыўся выбух у шматпавярховым доме (фота)
Выбух цалкам разбурыў тры верхнія паверхі дзевяціпавярховага жылога дома.
Як паведамляе УНІАН, выбух адбыўся ў трэцім пад'ездзе дома, пацярпелі ўсе бліжэйшыя кватэры. Абломкамі заваліла ўваход у пад'езд. Выбух быў настолькі моцным, што яго адчулі нават жыхары дамоў, размешчаных за некалькі кварталаў ад месца здарэння.
На месца здарэння прыбылі кіраўнікі горада і вобласці, абласной міліцыі і выратавальнікаў.
Відавочцы паведамляюць, што медыкі вынеслі пацярпелых з дома, дзе адбыўся выбух. Колькасць ахвяраў пакуль не вядомая.
