Узнагароды фестывалю "Бульбамуві" — у фільмаў "Бой з ценем" і "Смеццевая галава"
![Падчас фэсту "Бульбамуві" / facebook.com/bulbamovie](/sites/default/files/styles/gallery_main/public/2023-08/bulbamouvie-2111.jpg.webp?itok=HkM4QD6H)
Падчас фэсту "Бульбамуві" / facebook.com/bulbamovie
Пераможцамі фэсту беларускага кіно "Бульбамуві" сталі дзве стужкі, піша тг-канал "Священный Белавуд".
Пераможцы фэсту былі вызначаныя праз глядацкае галасаванне. Імі сталі дакументальная стужка Надзеі Родкінай "Бой з ценем" і гульнявая карціна Юрыя Сямашкі "Смеццевая галава".
"Бой з ценем" — біяграфічны фільм-партрэт палітычнага эмігранта Дзімы. Пасля збіцця і катаванняў ён з'ехаў у Польшчу, але падтрымлівае кантакты са сваякамі арыштаваных сяброў.
"Смеццевая галава" — фільм-прытча пра маладога актора і рэжысёра, які падпрацоўвае смецяром. Ён знаходзіць чароўную галаву, якая можа выконваць жаданні. Гэтая карціна атрымала таксама ўзнагароду ад Польскай дзяржаўнай фільматэкі.
Фэст беларускага кіно "Бульбамуві" завяршыўся 20 лістапада ў варшаўскім кінатэатры "Ілюзіён".
Каб сачыць за галоўнымі навінамі, падпішыцеся на канал Еўрарадыё ў Telegram.
Мы штодня публікуем відэа пра жыццё ў Беларусі на Youtube-канале. Падпісацца можна тут.