Усіх затрыманых журналістаў асудзілі на ўжо адседжаныя трое сутак
![Усіх затрыманых журналістаў асудзілі на ўжо адседжаныя трое сутак](/sites/default/files/styles/gallery_main/public/2023-08/dompravasuddzia-0209.jpg.webp?itok=Ixhqw3lO)
Усім шасці затрыманым журналістам суды прысудзілі па трое сутак арышту. Гэта той тэрмін, які яны фактычна адсядзелі. Сёння каля 17:00 журналісты павінныя выйсці на волю.
1 верасня падчас марша студэнтаў міліцыянты затрымалі шасцяроых журналістаў: Надзею Калініну, Аляксея Суднікава (абодва з TUT.by), Сяргея Шчогалева, Мікіту Дубалеку (Недаверкава), Марыю Эляшэвіч (“Комсомольская правда в Беларуси"), Андрэя Шаўлюгу (БелаПАН). Іх абвінавацілі ва ўдзеле ў несанкцыянаванай акцыі, хаця насамрэч журналісты выконвалі свае прафесійныя абавязкі.
Сведкі-амапаўцы ў судзе казалі, быццам журналісты каардынавалі рух шэсця студэнтаў. Пры гэтым самі сведкі выступалі ў балаклавах, а часта — пад чужымі імёнамі.
Суды над журналістамі зацягнулі настолькі, каб можна было ім даць мінімальнае пакаранне — трое сутак. Гэты тэрмін амаль цалкам яны адседзелі да вынясення прысуду.
Увечары 3 верасня журналісты розных СМІ прыйшлі да будынка МУС і патрабавалі сустрэчы з міністрам Юрыем Караевым, каб выказаць яму свой пратэст супраць затрымання калег. Аднак міністр да журналістаў так і не выйшаў.
![Усіх затрыманых журналістаў асудзілі на ўжо адседжаныя трое сутак](/sites/default/files/paragraphs/image/pravasud-0409-2.jpg)
Каб сачыць за галоўнымі навінамі, падпішыцеся на канал Еўрарадыё ў Telegram.
Мы штодня публікуем відэа пра жыццё ў Беларусі на Youtube-канале. Падпісацца можна тут.