Вы тут

Урад Японіі закрывае сваю паветраную прастору для "Белавія"

У Токіа заклапочаны сітуацыяй з пасадкай самалёта Ryanair у Беларусі / Reuters

Урад Японіі выступіць з афіцыйнай рэкамендацыяй авіякампаніям краіны не лётаць над Беларуссю. Токіа адрэагаваў на пасадку ў нашай краіне пасажырскага самалёта Ryanair, які ляцеў з Афінаў у Вільню. У заяве адзначаецца, што "рызыка паўтарэння падобнай сітуацыі не можна быць выключана".

Японія рашуча асуджае "прымусовую пасадку грамадзянскага лайнера" і патрабуе неадкладнага вызвалення затрыманых.

Таксама ўрад Японіі закрывае сваю паветраную прастору для "Белавія" і не будзе прымаць яе рэйсы (уключна з чартарнымі), "нават калі паступіць адпаведная просьба", паведамляе ТАСС.

Раней ЕС забараніў палёты ўсіх авіякампаній Беларусі ў сваёй паветранай прасторы, а таксама пасадку беларускіх самалётаў у еўрапейскіх аэрапортах. Такое ж рашэнне прыняла Украіна.

Каб сачыць за галоўнымі навінамі, падпішыцеся на канал Еўрарадыё ў Telegram.

Мы штодня публікуем відэа пра жыццё ў Беларусі на Youtube-канале. Падпісацца можна тут.