Упершыню з пачатку вайны ў Мікалаеў прыбыў пасажырскі цягнік
На першым цягніку з Кіева ў Мікалаеў прыехалі каля 50 пасажыраў / suspilne.media
Упершыню з пачатку вайны ў Мікалаеў прыбыў пасажырскі цягнік. Пасля поспехаў УСУ на поўдні і вызвалення Херсона ва Украіне вырашылі аднавіць чыгуначнае злучэнне паміж Кіевам і Мікалаевам. На першым цягніку прыбылі каля 50 пасажыраў, паведамляе рэсурс "Суспільне".
"Прадалі дзевяць плацкартных і сем купэйных квіткоў. Таксама чыгуначнікі ехалі, замежныя журналісты і арганізаваныя групы валанцёраў — "Медыкі без межаў" і "World Central Kitchen", — расказаў начальнік цягніка Багдан Стаднік. Адна з пасажырак валанцёр Кацярына прызналася, што для яе аднаўленне руху цягнікоў у Мікалаеве — гэта сімвал перамогі.
Цягнік Кіеў-Мікалаеў будзе курсіраваць па цотных чыслах са сталіцы і па няцотных — з Мікалаева. Білеты ўжо ў продажы.
Расіяне абстрэльвалі Мікалаеў з першых дзён вайны, але так і не змаглі яго захапіць. У сакавіку 2022 года за адпор ўварванню Расіі Мікалаеў быў узнагароджаны званнем горад-герой.
For the first time since 24, a passenger train came from #Kyiv to #Mykolaiv with 50 people on board, including railway employees, journalists, and groups of volunteers.#Ukraine #UkraineRussiaWar pic.twitter.com/cv9sGIm1EP
— SUSPILNE NEWS 📰 (@suspilne_news) November 15, 2022
