Уладзімір Макей едзе на перамовы ў Літву
Рабочы візіт міністра замежных спраў Беларусі пачнецца 28 лютага.
Падчас візіту Уладзімір Макей сустрэнецца з міністрам замежных спраў Літвы Лінасам Лінкявічусам, міністрам транспарту і камунікацый Рымантасам Сінкявічусам, з прадстаўнікамі літоўскіх дзелавых колаў.
БЕЛТА адзначае, што асноўнай тэматыкай беларуска-літоўскіх перамоваў стануць актуальныя пытанні двухбаковых адносінаў. Акцэнт будзе зроблены на пашырэнне гандлёва-эканамічнага, інвестыцыйнага і транзітнага супрацоўніцтва, а таксама на праблематыку адносінаў Беларусі і ЕС.
