Уладзімір і Ніна Лабковічы затрыманы на 72 гадзіны па крымінальнай справе
Уладзімір і Ніна Лабковічы затрыманы на 72 гадзіны ў межах крымінальнай справы (якой менавіта, пакуль невядома), паведамляе тэлеграм-канал @viasna96. У сераду ў іх кватэры прайшоў ператрус. Пасля гэтага Лабковічаў павезлі ў ДФР, а пасля на допыт у Следчы камітэт.
Лабковіч — юрыст пазбаўленага рэгістрацыі ў Беларусі праваабарончага цэнтра "Вясна", які трапіў пад "зачыстку" грамадзянскай супольнасці. Вядома, што па нейкай крымінальнай справе затрыманыя старшыня ПЦ Алесь Бяляцкі і яго намеснік Валянцін Стэфановіч.
Ва Уладзіміра і Ніны Лабковічаў трое непаўналетніх дзяцей.
