Улады Нямеччыны дазволілі турэцкай жанчыне не вучыць нямецкую мову
Яна пражыла ў чужой краіне без ведання мовы 30 гадоў і выгадавала шасцярых дзяцей.
Мясцовыя ўлады настойвалі на тым, што 62-гадовая турчанка занадта кепска размаўляе па-нямецку і пасля навучання на курсах ёй будзе лягчэй знайсці працу. Аднак жанчына звярнулася ў суд, які пагадзіўся з яе аргументамі: з моманту прыезду ў Нямеччыну ў 1981 годзе няведанне мовы не замінала ёй выжываць і гадаваць дзяцей.
Усе яны грамадзяне ФРГ і цяпер ужо самі зарабляюць сабе на жыццё, інфармуе ВВС.
