Украінскіх вайскоўцаў выводзяць з акружэння пад Ілавайскам
Першыя 28 байцоў батальёнаў “Міратворац”, “Херсон” і “Дняпро-1” выйшлі з абкружэння.
Дамоўленасць пра іх выхад з аблогі пад Ілавайскам была дасягнутая ўкраінскім прэзідэнтам Пятром Парашэнкам, перадае УНІАН.
Некалькі батальёнаў сіл антытэрарыстычнай аперацыі апынуліся ў “катле” — іх заблакавалі расійскія вайскоўцы, якія выдаюць сябе за сепаратыстаў з ДНР. Пры спробе адступлення калону ўкраінскіх сілавікоў расстрэльвалі з танкаў.
