Украінцы запускаюць рачны турыстычны маршрут у Беларусь
Украінцы запускаюць рачны турыстычны маршрут у Беларусь. Праект стартуе ў красавіку 2020-га. Судна будзе курсіраваць паміж Кіевам і Мазыром. Арганізацыйную працу праводзіць Міністэрства інфраструктуры Украіны, якое праводзіла перамовы з Мінтрансам Беларусі, інфармуе УНІАН.
Судна, якое будзе курсіраваць па маршруце, мае назву "Світанак". Яно належыць дзяржаўнаму прадпрыемству.
Таксама беларусы і ўкраінцы абмяркоўвалі развіццё міжнародных транспартных калідораў Чорнае мора — Балтыйскае мора. У прыватнасці, ёсць ініцыятыва аднаўлення міжнароднага воднага пуці Е-40 па маршруце Дняпро — Прыпяць — Вісла. Яго працягласць складае больш за 2000 кіламетраў.
Каб сачыць за галоўнымі навінамі, падпішыцеся на канал Еўрарадыё ў Telegram.
Мы штодня публікуем відэа пра жыццё ў Беларусі на Youtube-канале. Падпісацца можна тут.
