У Вільні адбылася цырымонія ў гонар 160-годдзя паўстання Кастуся Каліноўскага
Ганаровая варта / t.me/viacorka
На могілках Росы ў Вільні адбылася цырымонія ў гонар 160-годдзя паўстання Кастуся Каліноўскага. У мерапрыемстве прыняла ўдзел Святлана Ціханоўская.
"Для мяне вялікі гонар прыняць удзел у нядзельнай цырымоніі ў Вільні, прысвечанай антырасійскаму паўстанню 1863 года. Яно аб'яднала беларусаў, літоўцаў, палякаў і ўкраінцаў у барацьбе супраць тыраніі. У памяць аб нашым нацыянальным героі Кастусе Каліноўскім сёння мы зноў аб'ядналіся дзеля свабоды", — напісала яна ў Twitter.
Каліноўскі быў кіраўніком нацыянальна-вызваленчага паўстання 1863 года на сучаснай тэрыторыі Беларусі, якая ўваходзіла ў склад Расійскай Імперыі. Ён быў арыштаваны ў канцы студзеня 1864 года ў Вільні і прыгавораны да смяротнага пакарання.
Honored to take part in Sunday's ceremony in Vilnius to mark the anti-Russian uprising of 1863. It united Belarusians, Lithuanians, Poles & Ukrainians in the fight against tyranny. In memory of our national hero Kastus Kalinouski, today we stand united again to defend freedom. pic.twitter.com/AHNvPbe6GN
— Sviatlana Tsikhanouskaya (@Tsihanouskaya) January 22, 2023
