У Вільні адкрылі помнік паўстанцам Каліноўскага
![Скульптурная кампазіцыя ў гістарычным цэнтры](/sites/default/files/styles/gallery_main/public/2024-03/paustan.jpg.webp?itok=MRO-bybW)
Скульптурная кампазіцыя ў гістарычным цэнтры / svaboda.org
У Вільні адкрылі помнік паўстанцам Кастуся Каліноўскага. Мерапрыемства прымеркавалі да 160-х угодкаў яго пакарання смерцю расійскімі акупантамі. Скульптурная кампазіцыя з'явілася ў гістарычным цэнтры Вільні на тэрыторыі францішканскага кляштара перад касцёлам Унебаўзяцця Найсвяцейшай Дзевы Марыі.
На шырокім круглым подыуме расстаўленыя бронзавыя постаці чатырох мужчын: манах-францішканец, бласлаўляючы з крыжам справу паўстання, і самі паўстанцы — Кастусь Каліноўскі, Зыгмунт Серакоўскі і Цітус Далеўскі (на пярэднім пляне ўкленчаны Каліноўскі, а за яго спінай — Серакоўскі, яны прысягаюць у вернасці Богу і Радзіме).
Помнік пастаўлены на сродкі Польскага нацыянальнага фонду, паведамляе Радыё Свабода.
![У Вільні адкрылі помнік паўстанцам Каліноўскага](/sites/default/files/styles/default_image_paragraph/public/paragraphs/image/Paus2.jpg.webp?itok=4TF40ls1)
Каб сачыць за галоўнымі навінамі, падпішыцеся на канал Еўрарадыё ў Telegram.
Мы штодня публікуем відэа пра жыццё ў Беларусі на Youtube-канале. Падпісацца можна тут.