У Віцебску мужчына ледзь не патануў у Дзвіне
![У Віцебску мужчына ледзь не патануў у Дзвіне](/sites/default/files/styles/gallery_main/public/2023-08/vitebsk_dzvina.jpg.webp?itok=XCitYV9U)
У Віцебску мужчына ледзь не патануў у Заходняй Дзвіне. Здарэнне адбылося ў ноч на 6 студзеня — паведамленне пра чалавека ў вадзе паступіла ў дзяжурную частку ў 1.08. Выратавальнікі дасталі пацярпелага з ракі — гэта непрацуючы грамадзянін 1991 года нараджэння. Яго даставілі ў лякарню з агульным пераахаладжэннем.
Апроч гэтага інцыдэнту, за мінулыя суткі ў вобласці зафіксавана 5 пажараў. Адно з такіх здарэнняў скончылася гібеллю чалавека — ахвярай стаў жыхар вёскі Маціева Талачынскага раёна. Мужчына згарэў ва ўласным доме, перадае прэс-служба Віцебскага абласнога ўпраўлення МНС.