У Веткаўскім раёне міліцыя сядзела ў засадзе каля аўтамабільнага моста
Пашкоджаны мост / t.me/uvdgomel
У Веткаўскім раёне Гомельскай вобласці зламыснікі разбіралі аўтамабільны мост праз раку Бесядзь недалёка ад аднайменнай адселенай вёскі. Металічныя канструкцыі яны здавалі на металалом. Зніклі восем металічных пліт, што зрабіла мост непрыдатным для выкарыстання, піша @uvdgomel.
Каб злавіць зламыснікаў, міліцыя арганізавала засаду. Уначы 7 кастрычніка былі затрыманыя два 28-гадовыя беспрацоўныя жыхары Веткі і Гомеля. Іх схапілі, калі яны ломам ламалі чарговую пліту на мосце. Раней у мужчын ужо былі праблемы з законам. Распачата крымінальная справа.
t.me/uvdgomel
t.me/uvdgomel
