Ва ўкраінцаў, якія жывуць за мяжой, з'явіцца "электроннае консульства"
Украінскі пашпарт / УНІАН
Ва ўкраінцаў, якія жывуць за мяжой, з'явіцца "электроннае консульства". Праз яго можна будзе анлайн атрымаць некаторыя консульскія паслугі.
З новай платформай "е-Консул" сінхранізуюць даныя з дзяржаўных рэестраў. Такім чынам, сэрвісы для грамадзянаў за мяжой зробяцца больш дасяжнымі, зручнымі і хуткімі, спадзяюцца ва ўкраінскім МЗС.
Інавацыю ўжо зацвердзіў Кабінет міністраў Украіны. Папярэдне мяркуецца, што платформа пачне працаваць ужо сёлета.
