У свекрыві Ксеніі Дзягелька міліцыя шукала самвыдат

У свекрыві Ксеніі Дзягелька міліцыя шукала самвыдат

У жыхаркі райцэнтра Акцябрскі Наталлі Шамяковай міліцыя правяла агляд жылля і падсобных памяшканняў. 

Як піша сайт "Флагшток", міліцыянты шукалі самвыдатаўскую газету "Рудабельская паказуха". Яе выдаваў блогер Андрэй Павук, які ў кастрычніку быў вымушаны разам з сям'ёй з'ехаць у Літву. (Рудабелка — ранейшая назва Акцябрскага.)

Па словах міліцыянтаў, у пракуратуру Акцябрскага раёна прыйшло паведамленне аб "распаўсюдзе друкаванай прадукцыі". У звароце гаварылася, што напрыканцы кастрычніка Шамякова "распаўсюджвала друкаваную прадукцыю — два асобніка "Рудабельскай паказухі".

Сама жанчына кажа, што ёй далі пачытаць газету. Пасля гэтага яна перадала яе іншым. 

Між тым, міліцыянты планавалі знайсці ў доме Шамякова больш за 300 асобнікаў "Рудабельскай паказухі". Выданне і распаўсюд такой колькасці незарэгістраваных асобнікаў з'яўляецца адміністрацыйным парушэннем.

Дарэчы, сын Шамяковай жанаты з Ксеніяй Дзягелька — дзяўчынай, якая праславілася кліпам "Я из деревни". Саму Ксенію яшчэ ў ліпені бачылі на пікеце за альтэрнатыўнага кандыдата.

Каб сачыць за галоўнымі навінамі, падпішыцеся на канал Еўрарадыё ў Telegram.

Мы штодня публікуем відэа пра жыццё ў Беларусі на Youtube-канале. Падпісацца можна тут.

Апошнія навіны

Галоўнае

Выбар рэдакцыі