У Смаргонскім раёне маршрутка апынулася ў кювеце, пацярпелі 5 чалавек
У Смаргонскім раёне рэйсавая маршрутка апынулася ў кювеце, пацярпелі 5 чалавек. Як інфармуе БЕЛТА, здарэнне адбылося каля 6-й гадзіны раніцы ў сераду на аўтадарозе каля вёскі Солы. Падрабязнасці ДТЗ пакуль невядомыя.
У бальніцу завезлі 5 чалавек. Пасля агляду медыкамі былі шпіталізаваныя двое мужчын.
