У сектары Газа ракета трапіла ў бальніцу, маглі загінуць сотні людзей
Бальніца ў агні / Telegram
У цэнтральнай частцы сектара Газа ракета трапіла ў бальніцу Аль-Ахлі, маглі загінуць сотні людзей (па ацэнках мясцовага Міністэрства аховы здароўя, больш за 500 чалавек), шмат параненых, сотні знаходзяцца пад заваламі. ХАМАС ускладае адказнасць на Ізраіль, апошні — на ХАМАС (ці "Ісламскі джыхад"), які мог здзейсніць няўдалы запуск ракеты. Ізраільскія вайскоўцы праводзяць расследаванне.
А пакуль ХАМАС карыстаецца сітуацыяй, каб мабілізаваць сваіх прыхільнікаў па ўсім свеце на антыізраільскія акцыі.
