У сектары Газа баі ідуць у пяці кропках
![Ізраільскія вайскоўцы ў сектары Газа](/sites/default/files/styles/gallery_main/public/2023-11/f95pqwzxoae-kut.jpg.webp?itok=WV-VAM1i)
Ізраільскія вайскоўцы ў сектары Газа / twitter.com/idfonline
У сектары Газа баі ідуць у пяці кропках — на поўначы і вакол горада Газа. Самы буйны бой адбываецца на паўночным захадзе сектара, паведамляе "Бі-Бі-Сі".
Тэрарысты ХАМАС выкарыстоўваюць супрацьтанкавыя ракеты для знішчэння ізраільскай бронетэхнікі. Яны з'яўляюцца з падземных тунэляў і ў руінах будынкаў, абстрэльваюць падраздзяленні ізраільскай арміі. Баі працягваюцца і ўначы. Колькасць загінулых за тры дні наземнай аперацыі ізраільскіх вайскоўцаў дасягнула 18 чалавек. На поўначы сектара Газа загінуў падпалкоўнік Салман Хабака, камандзір батальёна 188-й бронетанкавай брыгады. Колькасць забітых тэрарыстаў невядомая.
У ізраільскай арміі заяўляюць, што ХАМАС пазбягае вырашальнай бітвы з ЦАХАЛ і аддае перавагу арганізацыі шматлікіх засад, абстрэлам з мінамётаў. Каб зменшыць свае страты, ізраільская армія прасоўваецца марудна. Выяўленыя агнявыя кропкі ХАМАС знішчаюцца з дапамогай артылерыі і авіяцыі.
במהלך הלילה נתקלו לוחמי צה"ל מחטיבת גולני וכוחות שריון בחוליות מחבלים שביצעו לעברם ירי נ"ט, הפעילו מטענים והשליכו רימונים. הכוחות ניהלו עם המחבלים קרבות ממושכים, בסיוע אש חטיבתית של כלי ארטילריה וטנקים, תוך הכוונת כלי טיס לתקיפה מהאוויר והכוונת ספינת טילים לתקיפה מהים >> pic.twitter.com/TSUhXr9fTf
— צבא ההגנה לישראל (@idfonline) November 2, 2023
Каб сачыць за галоўнымі навінамі, падпішыцеся на канал Еўрарадыё ў Telegram.
Мы штодня публікуем відэа пра жыццё ў Беларусі на Youtube-канале. Падпісацца можна тут.