У рэйтынгу свабоды слова Беларусь апусцілася на 155-е месца

У рэйтынгу свабоды слова ў 2018 годзе Беларусь апусцілася з 153-га на 155-е месца. Міжнародная праваабарончая арганізацыя “Рэпарцёры без межаў” апублікавала яго абноўлены варыянт. На першым месцы — Нарвегія, на апошнім — Паўночная Карэя.

Індэкс свабоды прэсы адлюстроўвае ступень свабоды, якой карыстаюцца ў 180 краінах свету журналісты, СМІ. Таксама складальнікі прааналізавалі захады ўладаў па забеспячэнні выканання прынцыпаў свабоды слова.