У Расіі чарапахі Фіёна і Шрэк двойчы на дзень спрабавалі збегчы з заапарку
У расійскім Іркуцку гіганцкія шпораносныя чарапахі Фіёна і Шрэк двойчы на дзень спрабавалі ўцячы са сваіх вальераў. Яны без цяжкасцяў разбілі шкло і не парэзаліся пры гэтым. Чарапах затрымалі і пасадзілі ў іншыя вальеры, але і адтуль яны вырваліся на волю.
Цяпер уладальнікі заапарка плануюць збудаваць для Фіёны і Шрэка новы дом па-за чаргой. Раней меркавалася, што спачатку ўлазіны адзначыць кракадзіл Кілька. На будаўніцтва тэрарыума для яго сродкі збіралі праз краўдфандынг, піша meduza.io
