У Польшчы выявілі падпольную тытунёвую фабрыку, дзе працавалі беларусы
![Аперацыя на падпольнай тытунёвай фабрыцы](/sites/default/files/styles/gallery_main/public/2024-09/cyharety-0609-1_1.jpg.webp?itok=PJvUwBQQ)
Аперацыя на падпольнай тытунёвай фабрыцы / Strazgraniczna.pl
У Мазавецкім ваяводстве Польшчы выявілі падпольную фабрыку па вытворчасці цыгарэт, паведамляе Памежная служба Польшчы.
Ператрусы ў трох прыватных дамах і адной кватэры правялі памежнікі, паліцыя і падаткавікі. Выявілася, што там перапрацоўвалі тоны тытуню, а гатовыя вырабы фасавалі ў скрынкі для піцы: у кожнай змяшчалася па чатыры тысячы штук.
У адным з будынкаў праваахоўнікі знайшлі абсталяванне для вытворчасці цыгарэт, а таксама ўжо вырабленую кантрафактную прадукцыю і ўпакоўку. Агулам у іх рукі трапіла 3,8 мільёна нелегальна вырабленых цыгарэт і 13,4 тоны тытуню. Кошт вырабаў праваахоўнікі ацэньваюць у 14 мільёнаў злотых, а абсталявання — у 1 мільён злотых.
Таксама сілавікі канфіскавалі пяць транспартных сродкаў, мабільныя тэлефоны і камунікацыйную апаратуру, 134 тысячы злотых і 1020 еўра наяўнымі, ды яшчэ біжутэрыю на суму 40 тысяч злотых.
Падчас аперацыі былі затрыманыя сем чалавек, звязаных з падпольнай вытворчасцю цыгарэт. У іх лічку былі чатыры беларусы. Суд вырашыў узяць іх пад варту на час следства.
![У Польшчы выявілі падпольную тытунёвую фабрыку, дзе працавалі беларусы](/sites/default/files/styles/default_image_paragraph/public/paragraphs/image/cyharety-0609-2%20%281%29.jpg.webp?itok=lk-4yz6j)
![У Польшчы выявілі падпольную тытунёвую фабрыку, дзе працавалі беларусы](/sites/default/files/styles/default_image_paragraph/public/paragraphs/image/cyharety-0609-3%20%281%29.jpg.webp?itok=VXncSLMr)
Каб сачыць за галоўнымі навінамі, падпішыцеся на канал Еўрарадыё ў Telegram.
Мы штодня публікуем відэа пра жыццё ў Беларусі на Youtube-канале. Падпісацца можна тут.