Вы тут

У Полацку затрымалі ўзброеных "калючых" братоў

Забранае ў зламыснікаў / @pressmvd 

У Полацку міліцыянеры, пры сілавой падтрымцы АМАПаўцаў, затрымалі двух ўзброеных "калючых" 34-гадовых братоў. У іх быў не толькі абрэз паляўнічай стрэльбы, самаробны рэвальвер, 95 патронаў, але і больш за паўсотні "вожыкаў" для прымусовага спынення транспарту (яны планавалі злачынныя "аперацыі"). Усё гэта знаходзілася ў кватэры і на лецішчы. Эксперты засведчылі, што зброя — баявая. Крымінальную справу распачалі па факце незаконнага абароту агнястрэльнай зброі, боепрыпасаў і выбухоўкі, паведамляе ў Telegram прэс-служба МУС.

Вядома, што раней адзін з братоў быў асуджаны за разбойны напад у Расіі.

Каб сачыць за галоўнымі навінамі, падпішыцеся на канал Еўрарадыё ў Telegram.

Мы штодня публікуем відэа пра жыццё ў Беларусі на Youtube-канале. Падпісацца можна тут.