У Полацку моцна п'яны кіроўца на вялікай хуткасці ўцякаў ад ДАІ
![У Полацку моцна п'яны кіроўца на вялікай хуткасці ўцякаў ад ДАІ](/sites/default/files/styles/gallery_main/public/2023-08/piany_kirouca_adtby.jpg.webp?itok=JnKB2jA9)
Чарговую пагоню за моцна п'яным кіроўцам давялося зладзіць супрацоўнікам ДАІ ў Полацку. Як паведамляе Віцебская ДАІ ў сваёй групе Вконтакте, інцыдэнт здарыўся каля 14:00 у суботу, 17 жніўня. Увагу інспектараў прыцягнуў аўтамабіль "Рэно", які рухаўся з боку трасы Р-45 "Полацк-Глыбокае-мяжа Літвы".
Патрабаванні спыніцца кіроўца праігнараваў і толькі павялічыў хуткасць, калі машына ДАІ паехала за ім. Аднак у выніку яго затрымалі. За рулём быў 46-гадовы жыхар Наваполацка. Падчас медагляду ў паветры на выдыху выявілі 2,7 праміле, што адпавядае моцнаму алкагольнаму ап'яненню. На кіроўцу склалі адміністратыўныя пратаколы, аўтамабіль забралі на штрафстаянку.