У Полацкім раёне пасажырскі аўтобус пратараніў дрэва (фота)

Як паведамляе прэс-служба МНС, паводле папярэдняй версіі, кіроўца рэйсавага аўтобуса не саўладаў з кіраваннем і з'ехаў з дарогі, дзе і адбылося сутыкненне з дрэвам. З 12 пасажыраў 8 чалавек атрымалі траўмы рознай ступені цяжкасці. Усе яны выйшлі з аўтобуса самастойна, а 58-гадовага кіроўцу разблакавалі выратавальнікі.

Усіх пацярпелых, у тым ліку і кіроўцу, шпіталізавалі.

ДАІ праводзіць разбіральніцтва па факце дарожна-транспартнага здарэння.

Фота — mchs.gov.by