У падмаскоўнай школе хлопец з ружжом і сякеркай напаў на настаўніцу
![У падмаскоўнай школе хлопец з ружжом і сякеркай напаў на настаўніцу](/sites/default/files/styles/gallery_main/public/2023-08/497271828ria600.jpg.webp?itok=B_msJ9wh)
У падмаскоўнай Іванцееўцы ў першай школе 15-гадовы хлопец з пнеўматычным ружжом і кухоннай сякеркай напаў на настаўніцу. Ён стрэліў у яе і ўдарыў па галаве. Падлетка затрымалі паліцэйскія ў бронекамізэльках і ў шлемах.
Як інфармуе meduza.io, хлопец вучыўся ў дзевятым класе. Зброю ён пранёс пад плашчом. Таксама ў яго былі самаробныя петарды, якія ён узрываў у класе. Паведамляецца, што перад нападам настаўніца зрабіла заўвагу, ёй не спадабаўся знешні выгляд школьніка. Да таго ж ён спазніўся на ўрок. Пасля таго, як настаўніца запатрабавала, каб хлопец выйшаў з класа, ён і дастаў ружжо і сякерку. Страляючы, хлопец крычаў, што хоча памерці. З яго, нібыта, раней здзекаваліся аднакласнікі, а школа нічога не рабіла.
У настаўніцы чэрапна-мазгавая траўма, яна знаходзіцца ў рэанімацыі. Траўмы атрымалі трое школьнікаў (хлопец і дзве дзяўчыны), якія падчас нападу скочылі з вокнаў другога паверха.
Высветлілася, што школьнік працяглы час рыхтаваўся да нападу ў школе. Ён планаваў напасці на настаўніцу і аднакласнікаў.
Крымінальную справу распачалі па артыкуле “хуліганства”. Школьніку пагражае ад 5 да 8 гадоў зняволення.
Оператор местного канала снимал сюжет о школе в момент нападения. Оператор находился в СОСЕДНЕМ КЛАССЕ! pic.twitter.com/BjR22WX0La
— dmitriy blinnikov (@discojournalist) 5 сентября 2017 г.