У Оршы затрымалі мужчыну, які шукаў хлопцаў для занятку прастытуцыяй у Расіі
![Аршанскі сутэнёр прапаноўваў працу ў Расіі / Ілюстрацыйнае фота railwayz.info](/sites/default/files/styles/gallery_main/public/2023-08/orsha_15_12.jpg.webp?itok=4gRMUe-k)
Аршанскі сутэнёр прапаноўваў працу ў Расіі / Ілюстрацыйнае фота railwayz.info
У Оршы затрымалі 26-гадовага мужчыну, які шукаў хлопцаў для занятку прастытуцыяй у Расіі, паведамляе прэс-служба Следчага камітэта.
Восенню ён размясціў абвестку ў інтэрнэце, шчыра напісаў, каго і для чаго шукае. 20 лістапада сустрэўся з патэнцыйнымі "работнікамі", спрабаваў вывезці іх у Маскву, але не змог — яго затрымалі.
Яму ўжо выставілі абвінавачанне па ч. 1 арт. 14, ч. 2 арт. 171 КК РБ (замах на арганізацыю і выкарыстанне занятку прастытуцыяй іншай асобай). Няўдачлівы сутэнёр застаецца пад вартай.
Каб сачыць за галоўнымі навінамі, падпішыцеся на канал Еўрарадыё ў Telegram.
Мы штодня публікуем відэа пра жыццё ў Беларусі на Youtube-канале. Падпісацца можна тут.