У Оршы 8-гадовы хлопчык трапіў пад маршрутку
У Оршы школьнік трапіў пад маршрутку. Як паведамляе БЕЛТА са спасылкай на прэс-службу Віцебскай абласной ДАІ, здарэнне адбылося сёння раніцай каля 10.05 на вуліцы Тэкстыльшчыкаў.
Маршрутны мікрааўтобус “Газель”, за рулём якога быў кіроўцы 1969 года нараджэння, ехаў па вуліцы, калі на дарогу з тратуара нечакана выскачыла дзіця. Кіроўца спрабаваў пазбегнуць сутыкнення і выскачыў на сустрэчную паласу, але ўсё адно зачапіў пешахода. Хлопчык яшчэ змог дабегчы да тратуара, але затым спыніўся, бо атрымаў пералом галёнкі.
Гэта 8-гадовы вучань другога класа адной з школ горада, спяшаўся забраць ровар у бабулі і таму перабягаў дарогу ў забароненым месцы, каб зрэзаць шлях.
Дзіця шпіталізаванае. У маршрутцы ехала чацвёра пасажыраў, ніхто з іх не пацярпеў.
