У Нюрнбергу праходзіць міжнародная канферэнцыя па злачынствах рэжыму Лукашэнкі
У Нюрнбегу пачалася прававая канферэнцыя па вывучэні злачынстваў, якія беларускія ўлады здзейснілі пасля выбараў 2020 года.
У ёй удзельнічаюць юрысты, праваабаронцы, палітыкі і грамадскія дзеячы з усяго свету. Яны плануюць зацвердзіць план прымянення ўніверсальнай юрысдыкцыі ды іншых прававых інструментаў для прыцягнення да адказнасці асобаў, адказных за гвалт і палітычныя рэпрэсіі на тэрыторыі Беларусі.
Адкрылі канферэнцыю Святлана Ціханоўская, Івонка Сурвіла і Павел Латушка.
Дарэчы, 76 гадоў таму, 20 лістапада 1945-га, менавіта ў Нюрнбергу пачаўся знакаміты працэс над нацысцкімі злачынцамі. Ён працягваўся амаль год, а яго вынікам стаў шэраг абвінаваўчых (у тым ліку смяротных) прысудаў і асуджэнне фашызму ўсімі краінамі свету.
